王賢誌(Vinci)入行以嚟性取向成疑,早前默認同志身份,今日承認與密友Kevin結婚,雙方家長同朋友約50人出席,喺溫哥華范度森植物園嘅一間餐廳註冊兼食飯,據知溫哥華可以申請同志結婚,而王賢誌同密友Kevin拍拖約7年,Kevin職業為咖啡師及餐廳老闆。
王賢誌爸爸、上市公司王氏港建集團主席王忠桐亦都有出席囝囝嘅婚禮,王爸爸經營電子產品生意多年,育有一子兩女,王賢誌係王爸爸唯一嘅囝囝面對囝囝嘅性取向,王爸爸態度都幾開放,佢早前接受訪問講過自己會尊重囝囝嘅決定,每個人都有自己嘅思考,有自己嘅選擇,佢都睇得幾開,認為人死咗就咩都唔會知,又何必搞咁多嘢,覺得係有啲一心想抱孫嘅心態。
睇嚟呢個爸爸都幾開通,難怪佢亦開心去見證囝囝人生嘅重要時刻!!!