周杰倫(Jay)同昆凌一月時喺英國古堡舉行世紀婚禮,上月世界巡迴婚宴第二站移師新郎主場台北舉行,由於周董婆婆年紀大,行動唔多方便,所以上月喺台北W Hotel補辦婚宴,而第三站就係新娘子昆凌家鄉澳洲。
日前有網民目擊周董現身澳洲布里斯本,準備舉行婚宴,有指周董花費百萬租直昇機﹑遊艇﹑海灘放煙花,浪漫滿瀉。有指是次澳洲婚禮係為昆凌爺爺與當地親友舉辦,因為昆凌爺爺係當地某大學教授,頗有名氣,而昆凌爸爸則喺學校任職。
周董自嘲英文唔好,同外父大人僅以簡單英語溝通,今日網上就有一張拼圖,係周董同老婆大人昆凌喺澳洲舉行婚宴照片,並寫道:「簡單隆重的澳洲Family Wedding 湖水藍與現場的天氣很穩合 今年多來點這樣的顏色吧」